ہائے رے بے رحم سیاست

یہ کچھ عرصہ پرانی بات ہے جب دھرنے میں شرکت کے لئے پی ٹی آئی کا قافلہ 
لاہور سے اسلام آباد جا رہا تھا کہ قافلہ گجرانولہ پہنچا جہاں پر نون لیگی بٹوں نے ان پر حملہ کر دیا اس دوران قافلے میں موجود ہر ایک کے رونگٹے کھڑے ہوگے لیڈران چھپنے کی جگہ ٹھونڈنے میں مشغول ہوگئے اور کچھ چھپ بھی گئے۔ پارٹی کا ڈکٹیٹر خود کنٹینر سے نکل کر بلٹ پروف لینڈ کروزر میں سوار ہوگیا تو اسی دوران ایک مرد مجاہد اٹھا اور اس نے گرج دار آواز میں ان غنڈوں کو للکارا "آو مارو مجھے مارو"۔ اس گرج دار آواز میں اتنی طاقت تھی کہ ان بدمعاشوں کا اوپر کا سانس اوپر اور نیچے کا نیچے رہ گیا۔ اور راستے سے ہٹ گئے۔ بس اتنی سی دیر تھی کہ باغی باغی کا نعرہ بلند ہوا اور اس کو اپنے کندھوں پر اٹھا لیا گیا۔
مخصوص پارٹی کا ہر کوئی جیالا اس سپوت پر فخر کر رہا تھا جوش میں اس مرد جواں کو باغی باغی کا خطاب دے رہا تھا۔ لیکن عین اسی وقت مخالف پارٹی کے
پارٹی پرست اسی ہاشمی کو داغی کا خطاب دے رہے تھے۔

پھر کچھ دن بعد پانسا پلٹتا ہے جاوید ہاشمی کو پارٹی کا ایک ڈکٹیٹر اپنے ایک حکم سے بے عزت کرکے نکال دیتا ہے۔ جسے کوئی پوچھنے والا نیں جسے کوئی روکنے والا نہیں کوئی احتیجاج کرنے والا نہیں بس حکم آتا ہے اور اس سپوت کو پارٹی بدر کر دیا جاتا ہے۔
خطاب بدلنے باغی سے داغی اور داغی سے باغی بننے میں صرف اس حکم کی دیر ہوتی ہے کہ پاکستان کے تمام پارٹی پرست اور شخصیت پرست لوگوں نے اس کے لئے معیار بدل ڈالے کل تک جس کے نزدیک باغی تھا اس کے لئے داغی بن گیا اور جس کے نزدیک داغی تھا اس کے لئے باغی بن گیا۔

بس ایک نقطے نے محرم سے مجرم بنا دیا