کہ گیدڑ اتنا بول رہے ہیں اور تو چپ ہے

تب گوتم بدھ نے زبان کھولی کہ ایک گھنے بن میں ایک شیر رہتا تھا ۔رت بسنت کی ،رات پورنماشی کی ،شیر اپنے بالک کے سنگ جنگل میں منگل مناتا تھا ،ایک بار ایسا دھاڑا کہ جنگل سارا گونج گیا ،

اس کی دھاڑ کو سن کر گیدڑوں نے بھی جھر جھری لی ۔گلا پھاڑ کے چیخ و پکار کرنے لگے ۔دیر تک وہ چیخ و پکار کرتے رہے ۔سارے بن کو سر پر اٹھالیا ،پر شیر چپ رہا

۔اس کے بالک نے کہا کہ ہے میرے پتا تو اتنا جیالا جنگل کا راجہ ،پر اچنبھے کی بات کہ گیدڑ اتنا بول رہے ہیں اور تو چپ ہے

شیر بولا کہ میرے پتر ،ایک بات اپنے پتا کی انٹی میں باندھ رکھ کہ جب گیدڑ بولتے ہیں تو شیر چپ ہو جاتے ہیں

(انتظار حسین کے ناول بستی سے ایک پیرا)
بشکریہ --- اپنی زبان اردو